2021-03-02Tuesday भारतमा कोरोना संक्रमित ७५ लाख नाघे – Online Khabar – Hamro Nepal

भारतमा कोरोना संक्रमित ७५ लाख नाघे – Online Khabar


३ असोज, काठमाडौं । भारतमा कोरोना भाइरस (कोभिड-१९)बाट संक्रमित हुनेको संख्या ७५ लाख नाघेको छ । भारतको स्वास्थ्य मन्त्रालयका अनुसार अहिलेसम्म भारतमा कोरोनाका ७५ लाख ५० हजार २७३ संक्रमित फेला परेका छन् ।

पछिल्लो २४ घण्टामा मात्र भारतमा कोरोनाका ५५ हजार ७७२ नयाँ संक्रमित फेला परेका हुन् । पछिल्लो २४ घण्टामा भेटिएका नयाँ संक्रमितको संख्या एक सतायताकै सबैभन्दा कम हो ।

त्यस्तै भारतमा कोरोनाबाट मृत्यु हुनेको संख्या पनि एक लाख १४ हजार ६१० पुगेको छ । पछिल्लो २४ घण्टामा भारतमा ५७९ जनाको कोरोनाबाट मृत्यु भएको छ । एक दिनमा कोरोनाबाट मृत्यु हुनेको यो संख्या गत जुलाई १९ यताकै सबैभन्दा कम हो ।

अहिलेसम्म भारतमा कोरोनाका ६६ लाख ६३ हजारभन्दा धेरै संक्रमित निको भइसकेका छन् । संक्रमित संख्याको आधारमा भारत कोरोनाबाट दोस्रो सबैभन्दा प्रभावित मुलुक हो । अहिलेसम्म अमेरिकामा कोरोनाका ८१ लाखभन्दा धेरै संक्रमित फेला परिसकेका छन् ।

मृतक संख्याको आधारमा भने भारत तेस्रो स्थानमा छ । अमेरिकामा अहिलेसम्म दुई लाख १९ हजारभन्दा धेरै संक्रमित फेला परिसकेका छन् भने ब्राजिलमा एक लाख ५३ हजारभन्दा धेरैको मृत्यु भइसकेको छ ।





Source link

Related Posts

धरानमा कोरोना संक्रमित महिलाको मृत्यु

९ कात्तिक, काठमाडौं । धरानमा कोरोना संक्रमणबाट एक महिलाको मृत्यु भएको छ । वीपी कोइरालाRead More

‘नेपालको प्रधानमन्त्रीलाई भारतले आफ्नो खुफिया एजेन्सीको प्रमुखको तहमा झारेको हो ?’ – Online Khabar

९ कात्तिक, काठमाडौं । साझा पार्टीका संयोजक रवीन्द्र मिश्रले भारतले नेपालका प्रधानमन्त्रीलाई आफ्नो खुफिया एजेन्सीकोRead More

प्रहरी प्रधान कार्यालयमा गरियो मौलो पूजा – Online Khabar

९ कात्तिक, काठमाडौं । प्रहरी प्रधान कार्यालय नक्शालमा आज नौलो पूजा गरिएको छ । प्रहरीRead More

Leave a Reply

Your email address will not be published. Required fields are marked *

>