2021-03-02Tuesday कोरोना महामारीमा जसपाको खेलाँची – Online Khabar – Hamro Nepal

कोरोना महामारीमा जसपाको खेलाँची – Online Khabar


३० असोज, जनकपुरधाम । शुक्रबारसम्म प्रदेश २ मा कोभिड-१९ को संक्रमणका कारण १५९ जनाले ज्यान गुमाइसके । शुक्रबार मात्र थप ९५ जनामा कोरोना संक्रमण पुष्टि भएको छ र, कुल संक्रमितको संख्या १४ हजार ६२० पुगेको छ ।

तर प्रदेश २ मा सरकारको नेतृत्व र सम्वद्ध दलका नेताहरु भने कोरोनासँग खेलाँची गरिरहेका छन् ।

मुख्यमन्त्री लालबाबु राउत, मन्त्रीहरु र जनता समाजवादी पार्टीका नेताहरु हरेक दिनजसो मानिसहरुलाई भेला पार्ने राजनीतिक भाषणबाजी गर्न व्यस्त देखिएका हुन् ।

शुक्रबार त्यस्तै भयो । जसपाका नेताहरु राजेन्द्र महतो, अनिल झा, मुख्यमन्त्री लालबाबु राउत, भौतिक पूर्वाधारमन्त्री जितेन्द्र सोनल लगायतले धनुषाको सबैलामा ठूलो संख्यामा सर्वसाधारणलाई भेला परेर पार्टी प्रवेश कार्यक्रम गरेका छन् ।

जसपाका नेताहरुले माहामारीलाई भुलेर राजनीतिक कार्यक्रम गरेको यो पहिलो घटना भने होइन । २७ असोजमा पर्साको पकहामैनपुर गाउँपालिकामा यसरी नै पार्टी प्रवेश तथा शुभकामना आदान प्रदान कार्यक्रम गरेको थियो ।

१५ साउनमा सिरहाको गोलबजार नगरपालिकाको चौहर्बामा यस्तै कार्यक्रम भएको थियो । कार्यक्रममा पार्टी अध्यक्ष उपेन्द्र यादवले आफ्नो कोरोना भाइरससम्बन्धी चेतनामूलक भाषण ठोक्दै संक्रमण हुन नदिन व्यवहारमा परिवर्तन गर्नुपर्नेदेखि संक्रमित भइहाले अस्पतालसम्म पुर्‍याउनुपर्ने धारणा राखेका थिए ।

जनताको समस्या हेर्नु पर्दैन ?

कोरोना महामारीको समयमा यस्तो कार्यक्रम गर्नु कुनै हिसावले ठीक भन्न नसकिने बताउँछन् राजनीतिक विश्लेषक सुरेन्द्र लाभ । भन्छन्, ‘यो त कारेानालाई नटेर्नु हो ।’

मानिसको जीवनभन्दा महत्वपूर्ण पार्टी प्रवेश हुन नसक्ने बताउँदै लाभले यो भीड गर्नु कुनै पनि राजनीतिक दलका लागि शोभाको बिषय नभएको बताए ।

‘जनता भोकमरीले मरिरहेका छन् । न उपचार पाएका छन् न अर्को कुनै व्यवस्था गरिएको छ’ उनी भन्छन्, ‘जनताको समस्या समाधान गर्नेतर्फ ध्यान नदिई भीड गराउनुलाई कुनै पनि हिसावले ठीक भन्न सकिँदैन ।’

अहिले भीड जम्मा गर्नु र राजनीतिक कार्यक्रम गर्नु अवाञ्छित गतिविधि भएको उनले बताए ।





Source link

Related Posts

धरानमा कोरोना संक्रमित महिलाको मृत्यु

९ कात्तिक, काठमाडौं । धरानमा कोरोना संक्रमणबाट एक महिलाको मृत्यु भएको छ । वीपी कोइरालाRead More

‘नेपालको प्रधानमन्त्रीलाई भारतले आफ्नो खुफिया एजेन्सीको प्रमुखको तहमा झारेको हो ?’ – Online Khabar

९ कात्तिक, काठमाडौं । साझा पार्टीका संयोजक रवीन्द्र मिश्रले भारतले नेपालका प्रधानमन्त्रीलाई आफ्नो खुफिया एजेन्सीकोRead More

प्रहरी प्रधान कार्यालयमा गरियो मौलो पूजा – Online Khabar

९ कात्तिक, काठमाडौं । प्रहरी प्रधान कार्यालय नक्शालमा आज नौलो पूजा गरिएको छ । प्रहरीRead More

Leave a Reply

Your email address will not be published. Required fields are marked *

>