2021-03-07Sunday मृत्युपछि युवतीको शव प्रेमीको घरमा ! – Online Khabar – Hamro Nepal

मृत्युपछि युवतीको शव प्रेमीको घरमा ! – Online Khabar


२२ असोज, रौतहट । रौतहटमा बुधवार साँझ शंकास्पद मृत्यु भएको युवतीको प्रेम सम्बन्धका कारण ज्यान गएको खुलेको छ । युवतीको मृत्युपछि प्रहरीले उनका काका र काकीलाई नियन्त्रणमा लिएको छ ।

रौतहटको दुर्गाभगवती गाउँपालिका वडा नं.४ छतौना टोल बस्ने लाल महम्मद धुनियाकीे १७ वर्षीया छोरी रोबिना मन्सुरीको शव बुधबार साँझ फेला परेको थियो ।

युवतीको स्थानीय जुनैद कवारीसँग प्रेम सम्बन्ध रहेको र युवतीको परिवारलाई सो सम्बन्ध स्वीकार्य नभएको कारण दुवै परिवारमा पटक पटक विवादसमेत भएको प्रहरीले जनाएको छ । मृतक रोबिना र जुनैदले पारिवारिक अवरोधका बीच पनि प्रेम सम्बन्धलाई निरन्तरता दिइरहेको थिए ।

परिवारजनका सदस्यहरुले युवतीको शव बोकेर युवकको घरमा पुर्‍याउँदै गरेको देखेपछि स्थानीयले प्रहरीलाई खबर गरेको जिल्ला प्रहरी कार्यालय रौतहटका प्रवक्ता डीएसपी भरत श्रेष्ठले बताए । युवतीको शव युवकको घरमा राखेर फसाउन खोजेको प्रहरीको प्रारम्भिक अनुसन्धानले देखाएको डीएसपी श्रेष्ठले बताए ।

युवतीका काकाहरु फुल महम्मद, लाल महम्मद, नसरुद्धिन मन्सुरी, काकी सहनाज मन्सुरीले शवलाई बोकेर जुनैद कवारीको घरमा लगेर राखेका थिए । जुनैदको घरका सदस्य बाहिर रहेको बेला युवतीका परिवारजनले शव जुनैद कवारीको भाउजु बस्ने कोठामा राखेको प्रहरीले जनाएको छ ।

मृतक युवतीको घाँटीमा डोरीको जस्तो डोब देखिएपछि हत्या वा आत्महत्या के हो भन्ने खुल्न बाँकी रहेको डीएसपी श्रेष्ठले बताए । अनुसन्धानका क्रममा मृतक युवतीका काका फुल महम्मद मन्सुरी र काकी सहनाज मन्सुरीलाई नियन्त्रणमा लिएको छ । मृतकको शव पोष्टमार्टमका लागि वीरगञ्जको नारायणी अस्पताल पठाइएको छ ।





Source link

Related Posts

धरानमा कोरोना संक्रमित महिलाको मृत्यु

९ कात्तिक, काठमाडौं । धरानमा कोरोना संक्रमणबाट एक महिलाको मृत्यु भएको छ । वीपी कोइरालाRead More

‘नेपालको प्रधानमन्त्रीलाई भारतले आफ्नो खुफिया एजेन्सीको प्रमुखको तहमा झारेको हो ?’ – Online Khabar

९ कात्तिक, काठमाडौं । साझा पार्टीका संयोजक रवीन्द्र मिश्रले भारतले नेपालका प्रधानमन्त्रीलाई आफ्नो खुफिया एजेन्सीकोRead More

प्रहरी प्रधान कार्यालयमा गरियो मौलो पूजा – Online Khabar

९ कात्तिक, काठमाडौं । प्रहरी प्रधान कार्यालय नक्शालमा आज नौलो पूजा गरिएको छ । प्रहरीRead More

Leave a Reply

Your email address will not be published. Required fields are marked *

>