2021-03-01Monday बाबरी मस्जिद प्रकरणका सबै अभियुक्तले पाए सफाइ – Online Khabar – Hamro Nepal

बाबरी मस्जिद प्रकरणका सबै अभियुक्तले पाए सफाइ – Online Khabar


१४ असोज, काठमाडौं । भारतको लखनउस्थित केन्द्रीय अनुसन्धान ब्युरोको विशेष अदालतले सन् १९९२ मा हिन्दु प्रदर्शनकारीहरुले भत्काएको बाबरी मस्जिदमा सुनियोजित नभएको भन्दै आरोप लागेका सबैलाई निर्दोष भएको फैसला सुनाएको छ । अदालतले सत्तारुढ भारतीय जनता पार्टीका नेता लालकृष्ण आडवाणीसहितका नेतालाई पर्याप्त प्रमाण नभएको भन्दै सफाइ दिएको हो ।

केन्द्रीय अनुसन्धान ब्युरोको विशेष अदालतले २८ वर्ष पुरानो मुद्दामा सुनाएको फैसलामा पूर्व उपप्रधानमन्त्री समेत रहेका आडवाणीसहित सबै ३२ जना अभियुक्त निर्दोष रहेको उल्लेख गरिएको छ । ३२ जनालाई नै १६ औं शताब्दीमा बनेको बाबरी मस्जिद भत्काएको आरोपमा आपराधिक गतिविधिमा मुद्दा दायर गरिएको थियो । बाबरी मस्जिद लखनउभन्दा १३५ किलोमिटर टाढा रहेको अयोध्यामा अवस्थित थियो । सन् १९९२ मा भएको धार्मिक दंगाको क्रममा हिन्दुवादीहरुले यो मस्जिद भत्काइदिएका थिए । यो क्रममा भएको हिंसामा करिब दुई हजार मानिसको मृत्यु भएको थियो । जसमा अधिकांश मुस्लिम थिए ।

बुधबार अदालतले सफाइ दिएका अन्य वरिष्ठ नेताहरुमा पूर्व मन्त्रीहरु मरली मनोहर जोशी, उमा भारती, विनय कतियार र उत्तर प्रदेशका पूर्व मुख्यमन्त्री कल्याण सिंह छन् ।

अदालतको फैसलाबारे बोल्दै भारतका वरिष्ठ वकिल प्रशान्त भुषणले अदालतमा कुनै न्याय नहुने तर मानिसहरुलाई अदालतबाट न्याय पाइन्छ कि भन्ने भ्रम रहने प्रतिक्रिया दिएका छन् । भारतीय मुस्लिम संगठनका नेताहरुले पनि यो फैसलाको आलोचना गरेका छन् । यसैबीच अल इन्डिया मुस्लिम पर्सनल ल बोर्डका सदस्य जफरयाब जिलानीले यो फैसलामा आफूहरु असन्तुष्ट रहेको भन्दै उच्च अदालतमा चुनौती दिने बताएका छन् । अदालतले सबै प्रमाणहरुलाई बेवास्ता गर्दै एकतर्फी फैसला सुनाएको उनको आरोप छ ।

उत्तर प्रदेशका मुख्यमन्त्री योगी आदित्यनाथले अदालतले फैसलाले २८ वर्षअघिको यो घटना राजनीतिकरुपमा पूर्वाग्रही भएर भाजपालाई नेताहरुलाई फसाइएको षडयन्त्र भएको पुष्टि भएको भन्दै यसका लागि उनीहरुले माफी माग्नुपर्ने बताएका छन् ।

स्रोत : अलजाजिरा/बीबीसी





Source link

Related Posts

धरानमा कोरोना संक्रमित महिलाको मृत्यु

९ कात्तिक, काठमाडौं । धरानमा कोरोना संक्रमणबाट एक महिलाको मृत्यु भएको छ । वीपी कोइरालाRead More

‘नेपालको प्रधानमन्त्रीलाई भारतले आफ्नो खुफिया एजेन्सीको प्रमुखको तहमा झारेको हो ?’ – Online Khabar

९ कात्तिक, काठमाडौं । साझा पार्टीका संयोजक रवीन्द्र मिश्रले भारतले नेपालका प्रधानमन्त्रीलाई आफ्नो खुफिया एजेन्सीकोRead More

प्रहरी प्रधान कार्यालयमा गरियो मौलो पूजा – Online Khabar

९ कात्तिक, काठमाडौं । प्रहरी प्रधान कार्यालय नक्शालमा आज नौलो पूजा गरिएको छ । प्रहरीRead More

Leave a Reply

Your email address will not be published. Required fields are marked *

>