2021-03-07Sunday केन्द्रीय बहिरा माविसहित २ विद्यालय सारिने – Online Khabar – Hamro Nepal

केन्द्रीय बहिरा माविसहित २ विद्यालय सारिने – Online Khabar


१२ असोज, काठमाडौं । सरकारले नक्सालस्थित नेपाल बाल संगठनको परिसरका दुई विद्यालय सारेर बालमन्दिरका बालबालिका राख्ने निर्णय गरेको छ ।

हाल बाल संगठनको परिसरमा सञ्चालन भएका आदर्श आधारभूत विद्यालय र केन्द्रीय बहिरा उच्च माविलाई उपयुक्त स्थानमा स्थानान्तरण गर्ने र त्यहाँका संरचना मर्मत सम्भार र नयाँ संरचना निर्माण गरेर बालमन्दिरमा रहेका बालबालिकाको आवास बनाउने निर्णय आइतबारको मन्त्रिपरिषद बैठकले गरेको हो ।

बैठकले महिला बालबालिका तथा ज्येष्ठ नागरिक मन्त्रालय र नेपाल बाल संगठनसँग समन्वय गरेर ती दुई विद्यालय सार्ने जिम्मा शिक्षा, विज्ञान तथा प्रविधि मन्त्रालयलाई दिएको सरकारका प्रवक्ता परराष्ट्रमन्त्री प्रदीप ज्ञवालीले जानकारी दिए ।

सरकारले पुराना संरचना मर्मत सम्भार र नयाँ संरचना बनाउन १ करोड ५० लाख रुपैयाँ बाल संगठनलाई अनुदान पनि दिएको छ ।

मन्त्रिपरिषद बैठकले बाल संगठन स्वामित्वको उक्त जग्गामा बालबालिकाको आवास तथा अन्य पूर्वाधार विकासका लागि गुरुयोजना बनाउने निर्णय पनि गरेको छ । उक्त गुरुयोजना नेपाल बाल संगठनले तयार गरी महिला बालबालिका तथा ज्येष्ठ नागरिक मन्त्रालयमा पेश गर्नुपर्नेछ ।





Source link

Related Posts

धरानमा कोरोना संक्रमित महिलाको मृत्यु

९ कात्तिक, काठमाडौं । धरानमा कोरोना संक्रमणबाट एक महिलाको मृत्यु भएको छ । वीपी कोइरालाRead More

‘नेपालको प्रधानमन्त्रीलाई भारतले आफ्नो खुफिया एजेन्सीको प्रमुखको तहमा झारेको हो ?’ – Online Khabar

९ कात्तिक, काठमाडौं । साझा पार्टीका संयोजक रवीन्द्र मिश्रले भारतले नेपालका प्रधानमन्त्रीलाई आफ्नो खुफिया एजेन्सीकोRead More

प्रहरी प्रधान कार्यालयमा गरियो मौलो पूजा – Online Khabar

९ कात्तिक, काठमाडौं । प्रहरी प्रधान कार्यालय नक्शालमा आज नौलो पूजा गरिएको छ । प्रहरीRead More

Leave a Reply

Your email address will not be published. Required fields are marked *

>