2021-03-01Monday अर्घाखाँची शितगंगाको पहिरोले डेढ दर्जन परिवार विस्थापित – Online Khabar – Hamro Nepal

अर्घाखाँची शितगंगाको पहिरोले डेढ दर्जन परिवार विस्थापित – Online Khabar


१० असोज, बुटवल । अर्घाखाँची जिल्लाको शितगंगा नगरपालिका–१२ मा पहिरो जाँदा उच्च जोखिममा परेपछि थप डेढ दर्जन घर परिवार विस्थापित भएका छन् ।

नगरपालिकाको वडा नं. १२ कोठिया मैदानको जोख्ले गैरा, पहरेपानी, मैदान लगायतका स्थानमा शुक्रबार दिउँसो जमिन भासिएर माथिबाट पहिरो खस्दा १७ घर बगाएको थियो । गाउँका ३५ घरमध्ये १७ घर बगाएपछि बाँकी डेढ दर्जन घर पनि उच्च जोखिममा परेपछि सबै परिवारलाई सुरक्षित स्थानमा सारिएको हो ।

१७ घरमा बस्दै आएका करिब सय जना बासिन्दा सबै पहिरोले घर नबगाउँदै भाग्न सफल भएकाले मानवीय क्षति नभएको नगर प्रमुख सुर्यप्रसाद अधिकारीले बताए । उनीहरुलाई गौरा माध्यमिक विद्यालयमा राखिएको अधिकारीले बताए । ‘दिउँसोको समय भएकाले पहिरो जाने थाहा पाएपछि घरमा रहेका सबै मान्छे बाहिर निस्केर सुरक्षित हुन सफल भए,’ मेयर अधिकारीले भने, ‘अहिलेसम्म मानवीय क्षति भएको कतैबाट जानकारी आएको छैन, भौतिक क्षतिको विवरण तयार गर्दैछौं ।’

पहिरोले १७ परिवारका गोठ, कुखुरा, कृषि फार्म, घरमा रहेका नगद, खाद्यान्न, कपडा पनि पुरेकाले ठूलो क्षति भएको वडा अध्यक्ष बाबुराम गैरेले बताए ।

घटनास्थलमा शनिबार पनि प्रहरी र स्थानीयवासीले विस्थापित परिवारलाई व्यवस्थित तरिकाले राख्ने काम गरिरहेका छन् । विस्थापित परिवारलाई कसरी व्यवस्थापन गर्ने भन्ने चुनौती रहेको उनले बताए । ‘विस्थापित परिवारलाई अस्थायी व्यवस्थापन र दीर्घकालीन पुनःस्थापनाका लागि स्थानीय र प्रदेश सरकारको सहयोग चाहिने अवस्था छ, वडाले मात्रै गाह्रो छ,’ वडा अध्यक्ष गैरेले भने ।





Source link

Related Posts

धरानमा कोरोना संक्रमित महिलाको मृत्यु

९ कात्तिक, काठमाडौं । धरानमा कोरोना संक्रमणबाट एक महिलाको मृत्यु भएको छ । वीपी कोइरालाRead More

‘नेपालको प्रधानमन्त्रीलाई भारतले आफ्नो खुफिया एजेन्सीको प्रमुखको तहमा झारेको हो ?’ – Online Khabar

९ कात्तिक, काठमाडौं । साझा पार्टीका संयोजक रवीन्द्र मिश्रले भारतले नेपालका प्रधानमन्त्रीलाई आफ्नो खुफिया एजेन्सीकोRead More

प्रहरी प्रधान कार्यालयमा गरियो मौलो पूजा – Online Khabar

९ कात्तिक, काठमाडौं । प्रहरी प्रधान कार्यालय नक्शालमा आज नौलो पूजा गरिएको छ । प्रहरीRead More

Leave a Reply

Your email address will not be published. Required fields are marked *

>