2021-02-28Sunday निषेधाज्ञा खुलेपछि बैंकको ऋण लगानी बढ्यो – Online Khabar – Hamro Nepal

निषेधाज्ञा खुलेपछि बैंकको ऋण लगानी बढ्यो – Online Khabar


५ असोज, काठमाडौं । निषेधाज्ञा खुला भएसँगै बैंक तथा वित्तीय संस्थाहरुको कर्जा लगानी पनि बढेको छ । पछिल्लो एक सातामा मात्रै २७ वाणिज्य बैंकहरुले ९ अर्ब रुपैयाँभन्दा धेरै कर्जा लगानी गरेका छन् ।

संघले दिएको जानकारीअनुसार हालसम्म वाणिज्य बैंकहरुको २९ खर्ब १३ अर्ब रुपैयाँ ऋण लगानीमा रहेको छ । भदौ २६ सम्म यी बैंकहरुको ऋण लगानी २९ खर्ब ४ अर्ब रुपैयाँ थियो । असोज २ गतेसम्म आइपुग्दा ९ अर्ब रुपैयाँले बढेर २९ खर्ब १३ अर्ब रुपैयाँ पुगेको हो ।

सोही अवधीमा २७ वाणिज्य बैंकहरुले २१ अर्ब रुपैयाँ निक्षेप संकलन गरेका छन् । २६ भदौसम्म ३५ खर्ब ९५ अर्ब रुपैयाँ रहेकोमा एक हप्तामा २१ अर्ब थपिएर २ असोजसम्म ३५ खर्ब १६ अर्ब रुपैयाँ पुगेको छ । यो ऋण लगानी नियमितभन्दा एकदमै कम हो । तर लकडाउनका बेला ठप्प रहेको ऋण लगानी विस्तारै सुधार हुँदै गएको छ । भदौं महिनामा निषेधाज्ञाकै बिचमा पनि दैनिक एक अर्ब हारहारीमा कर्जा लगानी भएको थियो ।

भदौको तुलनतामा अब असोजमा लगानी बढ्ने संघको अनुमान छ । संघका अनुसार वाणिज्य बैंकहरुले निषेधाज्ञाकै बीचमा १९ अर्ब रुपैयाँ कर्जा लगानी गरेका थिए । ‘क’ वर्गका बैंकहरुको साउन मसान्तसम्म २८ खर्ब ७८ अर्ब रुपैयाँ कर्जा लगानीमा रहेको थियो ।

भदौं लागेपछिको १९ दिनमा भने कर्जा लगानी १९ अर्ब रुपैयाँले बढेर २८ खर्ब ९७ अर्ब रुपैयाँ पुगेको संघले जनाएको छ । संघले उपलब्ध गराएको तथ्यांकअनुसार निक्षेपको तुलनामा कर्जा नै धेरै बढेको छ । १९ अर्ब कर्जा लगानी भएको अवधिमा निक्षेप भने १२ अर्ब रुपैयाँमात्रै जम्मा भएको संघले जनाएको छ ।

भदौ १ गतेभन्दा अगाडि बैंकहरुमा ३४ खर्ब ७९ अर्ब रुपैयाँ निक्षेप रहेको थियो । संघका अनुसार १९ दिनमा बढेर ३४ खर्ब ९१ अर्ब रुपैयाँ निक्षेप पुगेको छ ।





Source link

Related Posts

धरानमा कोरोना संक्रमित महिलाको मृत्यु

९ कात्तिक, काठमाडौं । धरानमा कोरोना संक्रमणबाट एक महिलाको मृत्यु भएको छ । वीपी कोइरालाRead More

‘नेपालको प्रधानमन्त्रीलाई भारतले आफ्नो खुफिया एजेन्सीको प्रमुखको तहमा झारेको हो ?’ – Online Khabar

९ कात्तिक, काठमाडौं । साझा पार्टीका संयोजक रवीन्द्र मिश्रले भारतले नेपालका प्रधानमन्त्रीलाई आफ्नो खुफिया एजेन्सीकोRead More

प्रहरी प्रधान कार्यालयमा गरियो मौलो पूजा – Online Khabar

९ कात्तिक, काठमाडौं । प्रहरी प्रधान कार्यालय नक्शालमा आज नौलो पूजा गरिएको छ । प्रहरीRead More

Leave a Reply

Your email address will not be published. Required fields are marked *

>