१ असोज, सुर्खेत । सुर्खेतको वीरेन्द्रनगरस्थित राजदल गणमा कार्यरत नेपाली सेनाका २८ जनामा कोरोना संक्रमण पुष्टि भएको छ ।

कर्णाली प्रदेश अस्पताल/पशुपन्छी रोग अन्वेषण प्रयोगशाला सुर्खेतमा गरिएको पीसीआर परीक्षणमा बिहीबार २८ जना सैनिकमा संक्रमण पुष्टि भएको जनस्वास्थ्य कार्यालय सुर्खेतका प्रमुख चेतनिधी वाग्लेले जानकारी दिए ।

प्रमुख वाग्लेका अनुसार छुट्टीमा घर गएर फर्किएकाहरुको गणमा प्रवेश गर्नुअघि पीसीआर परीक्षण अनिवार्य गर्नुपर्ने भएकोले उनीहरुको भदौ २८ गते स्वाब संकलन गरिएको थियो ।  संक्रमण पुष्टि भएपछि उनीहरुलाई सेनाकै आसोलेसनमा राख्ने तयारी भइरहेका छ ।