2021-02-25Thursday रथलाई पुल्चोकमै छाडेर रातो मत्स्येन्द्रनाथलाई बुंगमती लगियो – Online Khabar – Hamro Nepal

रथलाई पुल्चोकमै छाडेर रातो मत्स्येन्द्रनाथलाई बुंगमती लगियो – Online Khabar


२९ भदौ, काठमाडौं । रातो मत्स्येन्द्रनाथलाई खटमा राखेर बुंगमती पुर्‍याइएको छ । सोमबार दिउँसोको लागि तय भएको उपयुक्त साइतमा रातो मत्स्येन्द्रनाथलाई खटमा राखेर बुंगमती पुर्‍याएको ज्यापु समाजका अध्यक्ष चन्द्र महर्जनले जानकारी दिए ।

कोरोना भाइरसका कारण रथायात्रा गर्न नसकेपछि भदौ १९ गते क्षमा पूजा गरिएको रातो मत्स्येन्द्रनाथलाई मंगलबार चोख्याउने र बुधबारदेखि नियमित पूजा गरिने महर्जनले जानकारी दिए ।






यो पनि पढ्नुहोस
कर्फ्युका बीच मत्स्येन्द्रनाथको क्षमा पूजा, भोटोजात्रा नगरिने

सोमबार सरकारको स्वास्थ्य मापदण्डलाई ख्याल गरेर मत्स्येन्द्रनाथलाई बुंगमती लगिएको महर्जनले जानकारी दिए । पुल्चोकमा बनाइएको करुणामयाको रथलाई मत्स्येन्द्रनाथलाई बुंगमती लगिएको चौथो दिनमा भत्काउने धार्मिक परम्परा छ ।






यो पनि पढ्नुहोस
स्वस्फूर्त रातो मच्छिन्द्रनाथको रथ तान्दा पुल्चोकमा देखिएको तनाव

चैत २७ गतेदेखि सुरु हुनुपर्ने नेपालकै सबैभन्दा लामो रथयात्रा कोरोना महामारीका कारण तोकिएको समयमा सम्पन्न हुन सकेको थिएन ।

कोरोनाको त्रास केही कम भएको समय पारेर असार १० गतेदेखि रथ निर्माण गरिएकोमा साउन १० गते करुणामयलाई रथारोहण गराइएको थियो । एक महिनासम्म पनि रथ नतानेपछि भदौ १८ गते युवाहरूको एउटा टोलीले जबर्जस्ती रथयात्रा गर्न लागेपछि पुल्चोकमा सो दिन प्रहरी र स्थानीयबीच झडप समेत भएको थियो ।

त्यसपछि सबै पक्षको बैठकले क्षमापूजा गरेर मत्स्येन्द्रनाथको रथलाई सांकेतिक रूपमा मात्रै तान्ने सहमति अनुरुप कर्फ्युकाबीच भदौ १९ गते पुल्चोकमा क्षमापूजा गरिएको थियो ।

भदौ २२ गते दैवज्ञ ज्योतिषहरूले साइत जुराउँदा सोमबार मात्रै मत्स्येन्द्रनाथलाई बुंगमती लैजाने साइत जुरेको थियो ।

ज्यापु समाजका अध्यक्ष महर्जनले पुल्चोकमा रहेको करुणामयको रथ सडकमा रहेकोले बुंगमती लगेको चारदिन अघि नै पनि भत्काउन सकिने जानकारी दिए ।





Source link

Related Posts

धरानमा कोरोना संक्रमित महिलाको मृत्यु

९ कात्तिक, काठमाडौं । धरानमा कोरोना संक्रमणबाट एक महिलाको मृत्यु भएको छ । वीपी कोइरालाRead More

‘नेपालको प्रधानमन्त्रीलाई भारतले आफ्नो खुफिया एजेन्सीको प्रमुखको तहमा झारेको हो ?’ – Online Khabar

९ कात्तिक, काठमाडौं । साझा पार्टीका संयोजक रवीन्द्र मिश्रले भारतले नेपालका प्रधानमन्त्रीलाई आफ्नो खुफिया एजेन्सीकोRead More

प्रहरी प्रधान कार्यालयमा गरियो मौलो पूजा – Online Khabar

९ कात्तिक, काठमाडौं । प्रहरी प्रधान कार्यालय नक्शालमा आज नौलो पूजा गरिएको छ । प्रहरीRead More

Leave a Reply

Your email address will not be published. Required fields are marked *

>