१९ भदौ, काठमाडौं । हुनत भदौ ३ गतेदेखि नै काठमाडौं उपत्यकाका तीनवटै जिल्लामा निषेधाज्ञा छ । मानिसहरु औषधि, खाद्यवस्तुलगायत अत्यावश्यक कामबाहेक घरबाहिर निस्कन पाउँदैनन् ।

तर शुक्रबार भने ललितपुर जिल्लाको चक्रपथ क्षेत्रभित्र कर्फ्यू नै लगाइयो । यसको मतलब मानिसहरु अत्यावश्यक काम वा जस्तोसुकै काममा पनि घर बाहिर निस्कन पाउँदैनन् ।

जिल्ला प्रशासन कार्यालयले जारी गरेको सूचना अनुसार आवतजावत गर्न, भेला हुन, जुलुस निकाल्न निषेध गरिएको छ । यदि कर्फ्यू उलंघन गरेर घरबाहिर निस्केमा वा अरु काम गरेमा सुरक्षाकर्मीले गोलीसमेत हान्न सक्ने चेतावनी दिइएको छ ।

त्यसैले ललितपुरको पाटन क्षेत्र दिनभरजसो सुनसान रह्यो । यहाँका गल्लीमा मानिस निस्किएनन् भने सवारी साधन पनि चलेन ।

कोरोना महामारीका कारण अन्योलमा रहेको मत्स्येन्द्रनाथको रथयात्रा कार्फ्यूकै समयमा गराउन शुक्रबार पुल्चोकमा पुजारी र अरु केही व्यक्तिमात्र सहभागी भएर क्षमापूजा गरिएको छ । सर्वसाधारण भने घरभित्रै बसेका छन् । केही मानिसहरु घरको झ्याल र बरण्डार आँगनसम्म आएर सुनसान सडक नियालिरहेका देखिन्थे ।    

यो पनि पढ्नुहोस
यसरी हुँदैछ मत्स्येन्द्रनाथको क्षमा पूजा







यो पनि पढ्नुहोस
कर्फ्युका बीच मत्स्येन्द्रनाथको क्षमा पूजा, भोटोजात्रा नगरिने