९ भदौ, काठमाडौं । गृहमन्त्री रामबहादुर थापा ‘बादल’को सचिवालयले अछाममा धान खेतमा कार्यक्रम गरिएको समाचार गलत रहेको दाबी गरेको छ ।

साथै, धानखेत नजिकै कार्यक्रमस्थल बनाइएको सन्दर्भमा आएका सुझावलाई आत्मसाथ गरेर आगामी दिनमा सचेतता अपनाउने पनि भनेको छ ।

गृहमन्त्रीका प्रेस संयोजक किरण भट्टराईले प्रेस नोट जारी गर्दै भनेका छन्, ‘बाढीले धानखेती नस्ट गरेको खेतसँगैको खोला किनारमा कार्यक्रम गरिएको थियो । नकि प्रचार गरिएजस्तो धानखेतमा कार्यक्रम गरिएको हो ।’

शुक्रबार गृहमन्त्री थापासहितको टोली अछामको रामारोसनमा गएको थियो ।

भट्टराईले कार्यक्रमस्थलको छनौट स्थानीय प्रशासन र गाउँपालिकाले गरेको पनि बताएका छन् ।

यो पनि पढ्नुहोस
बाढीबाट जोगिएको धानमा गृहमन्त्रीको सवारी !







यो पनि पढ्नुहोस
चारआनाको राहत, बाह्रआनाको भ्रमण खर्च !