2021-03-03Wednesday भेन्टिलेटरको खोजीमा अस्पताल डुलाउँदा डुलाउँदै वडाध्यक्षको मृत्यु – Online Khabar – Hamro Nepal

भेन्टिलेटरको खोजीमा अस्पताल डुलाउँदा डुलाउँदै वडाध्यक्षको मृत्यु – Online Khabar


६ भदौ, विराटनगर । सुनसरीको कोशी गाउँपालिका–२ का वडाअध्यक्ष हिरालाल यादवको अस्पताल डुलाउँदा डुलाउँदै मृत्यु भएको छ ।

शनिबार हृदयघात भएका ४५ वर्षका यादवलाई भेन्टिलेटरको खोजीमा विपी कोइराला स्वास्थ्य विज्ञान प्रतिष्ठान धरान हुँदै बीएण्डसी अस्पताल बिर्तामोडसम्म पुर्‍याइएको थियो । तर समयमा भेन्टिलेटर नपाइएका कारण मृत्यु भएको कोशी गाउँपालिका अध्यक्ष एयुब अन्सारीले जानकारी दिए ।

‘धरानमा जाँच गराउँदा भेन्टिलेटर चाहिन्छ भन्यो’ अन्सारीले भने ‘धरानमा भेन्टिलेटर खाली थिएन, विराटनगरका अस्पतालले पनि छैन भनेपछि विर्तामोड पुर्‍याइयो । तर उपचार हुन पाएन ।’

धरानबाट एम्बुलेन्समा बिर्तामोड पुर्‍याइएका यादवको मुटुको भल्वमा ब्लक भएको देखिएपछि बीएण्डसीले सुविधासम्पन्न अस्पताल लैजान भन्यो । बीएण्डसीमा उपचार नहुने भएपछि फर्काउदै गर्दा बाटोमै मृत्यु भएको हो ।

‘बीएण्डसीमा उपचार हुन नपाएपछि धरान र विराटनगरको नोबेलमा कुरा हुँदै थियो’ अध्यक्ष अन्सारीले भने ‘बाटोमै मृत्यु भएपछि अस्पताल लगिएन ।’

कोरोना महामारीका कारण धरान र विराटनगरका अस्पतालले भेन्टिलेटर खाली नभएको बताएपछि यादवलाई डुलाउँदा डुलाउँदै मृत्यु भएको अन्सारीले बताए ।

उनका अनुसार स्वास्थ्यमा समस्या देखिएपछि उनलाई धरान लगिएको थियो । धरानसम्म पुर्‍याउँदा उनको अवस्था सामान्य जस्तै थियो ।

धरानमा सामान्य जाँचपछि चिकित्सकले भेन्टिलेटर भएको अस्पतालमा लैजान आग्रह गरे । धरानमा भेन्टिलेटर नभएपछि अध्यक्ष अन्सारीले विराटनगरका अस्पतालहरुमा सम्पर्क गरे । तर भेन्टिलेटर खाली नरहेको जानकारी पाए । ‘यहाँ भेन्टिलेटर नपाएपछि विर्तामोडमा वडा अध्यक्षको ज्वाईले भेन्टिलेटर खोज्नुभयो’ उनले भने ‘विर्तामोड पुर्‍याइयो । तर उपचार हुन पाएन् ।’





Source link

Related Posts

धरानमा कोरोना संक्रमित महिलाको मृत्यु

९ कात्तिक, काठमाडौं । धरानमा कोरोना संक्रमणबाट एक महिलाको मृत्यु भएको छ । वीपी कोइरालाRead More

‘नेपालको प्रधानमन्त्रीलाई भारतले आफ्नो खुफिया एजेन्सीको प्रमुखको तहमा झारेको हो ?’ – Online Khabar

९ कात्तिक, काठमाडौं । साझा पार्टीका संयोजक रवीन्द्र मिश्रले भारतले नेपालका प्रधानमन्त्रीलाई आफ्नो खुफिया एजेन्सीकोRead More

प्रहरी प्रधान कार्यालयमा गरियो मौलो पूजा – Online Khabar

९ कात्तिक, काठमाडौं । प्रहरी प्रधान कार्यालय नक्शालमा आज नौलो पूजा गरिएको छ । प्रहरीRead More

Leave a Reply

Your email address will not be published. Required fields are marked *

>