2021-03-01Monday आरती स्ट्रिप्सका ५१ मजदुरलाई कोरोना संक्रमण, दुई जना सम्पर्कविहीन – Online Khabar – Hamro Nepal

आरती स्ट्रिप्सका ५१ मजदुरलाई कोरोना संक्रमण, दुई जना सम्पर्कविहीन – Online Khabar


३० साउन, विराटनगर ।  मोरङको बुढीगंगा गाउँपालिका–१ मा रहेको आरती स्ट्रिप्स प्रालीमा कोरोना संक्रमित कामदारको संख्या ५१ पुगेको छ । बिहीबार २१ जना कामदारमा संक्रमण देखिएसँगै उद्योगमा काम गर्ने कर्मचारी तथा मजदुरको संख्या ५१ पुगेको हो ।

बुढीगंगा गाउँपालिकाका स्वास्थ्य संयोजक बासुदेव रेग्मीका बिहीबारसम्म उद्योगका कामदारमध्ये दुई सय जनाको पीसीआर जाँच गरिएको छ । संक्रमण पुष्टि भएकामध्ये अधिकांश कामदार भारतीय नागरिक रहेको उनले बताए ।

संक्रमण पुष्टि भएका कामदारलाई उद्योगभित्रै राखिएको छ । केही कर्मचारी होम आइसोलेसनमा छन् ।

संक्रमण पुष्टि भएकामध्ये दुई जना भने फरार छन् । फरार भएका संक्रमित भारतीय नागरिक हुन् । बुढीगंगा गाउँपालिका वडा नम्बर– १ का अध्यक्ष युवराज पौडेलका अनुसार फरार भएकाहरु भारत गएको आशंका गरिएको छ ।

फरार भएका कामदार विराटनगर प्रवेशद्वार नजिकै  डेरा भाडा लिएर बस्दै आएका थिए । ‘भागेकाहरु भारत नै पुगे जस्तो लाग्छ,’ वडाअध्यक्ष पौडेलले भने, ‘स्वाब संकलन गरिएको थियो, तर रिपोर्ट आउनुअघि नै भागे छन् ।’

लुछिकिपी कामदार ल्याउँदा भित्रिएको आशंका

अध्यक्ष पौडेलका अनुसार कर्कट पाता र फलामे डण्डी उत्पादन गर्दै आएको उद्योगमा काम गर्ने अधिकांश कामदार भारतीय नागरिक छन् । लकडाउनमा भारतबाट उद्योगमा आउने मालबाहक गाडीसँगै कामदार ल्याएका कारण कोरोना फैलिएको उनको भनाइ छ ।

उद्योगमा बाहिरका मानिसलाई आउ–जाउ गर्न दिइँदैन । ‘लकडाउनमा उद्योग सञ्चालनमा थियो,’ उनले भने, ‘भारतबाट सामान ल्याउने मालबाहक गाडीमा कामदार आएको जानकारी पाएका छौं तर उद्योगको रेकर्डमा भने लकडाउनको समयमा भारतबाट कामदार ल्याएको उल्लेख छैन ।’

उद्योग प्रशासनका अनुसार मालबाहक गाडीमा चालक तथा सहचालकबाट संक्रमण सरेको आशंका गरिएको छ ।

उद्योगमा करिब पाँच सय कामदार कार्यरत छन् । उद्योगमा संक्रमण फैलिएपछि गाउँपालिकाले उद्योग सिल गरी वडा नम्बर १ मा सर्वसाधारणलाई हिँडडुल गर्न कडाइ गरेको छ । उद्योगका कामदार बाहिर पनि बसोबास गर्ने भएकाले कडाइ गरिएको अध्यक्ष पौडेलले बताए ।





Source link

Related Posts

धरानमा कोरोना संक्रमित महिलाको मृत्यु

९ कात्तिक, काठमाडौं । धरानमा कोरोना संक्रमणबाट एक महिलाको मृत्यु भएको छ । वीपी कोइरालाRead More

‘नेपालको प्रधानमन्त्रीलाई भारतले आफ्नो खुफिया एजेन्सीको प्रमुखको तहमा झारेको हो ?’ – Online Khabar

९ कात्तिक, काठमाडौं । साझा पार्टीका संयोजक रवीन्द्र मिश्रले भारतले नेपालका प्रधानमन्त्रीलाई आफ्नो खुफिया एजेन्सीकोRead More

प्रहरी प्रधान कार्यालयमा गरियो मौलो पूजा – Online Khabar

९ कात्तिक, काठमाडौं । प्रहरी प्रधान कार्यालय नक्शालमा आज नौलो पूजा गरिएको छ । प्रहरीRead More

Leave a Reply

Your email address will not be published. Required fields are marked *

>