2021-03-09Tuesday दक्षिण अफ्रिकामा पाँच लाख नाघे कोरोना संक्रमित – Online Khabar – Hamro Nepal

दक्षिण अफ्रिकामा पाँच लाख नाघे कोरोना संक्रमित – Online Khabar


१८ साउन, काठमाडौं । दक्षिण अफ्रिकामा कोरोना भाइरस (कोभिड–१९) बाट संक्रमित हुनेको संख्या पाँच लाख नाघेको छ । दक्षिण अफ्रिकाका स्वास्थ्यमन्त्रीले दिएको जानकारी अनुसार शनिबार मात्र मुलुकभर कोरोना भाइरसका १० हजार १०७ नयाँ संक्रमित फेला परेका थिए । यससँगै दक्षिण अफ्रिकामा कोरोना भाइरसबाट संक्रमितको संख्या पाँच लाख तीन हजार २९० पुगेको छ ।

त्यस्तै दक्षिण अफ्रिकामा कोरोना भाइरसको कारण मृत्यु हुनेको संख्या पनि आठ हजार १५३ पुगेको छ ।

कोरोना भाइरसका संक्रमितको आधारमा सबैभन्दा प्रभावित मुलुकको सूचीमा दक्षिण अफ्रिका अमेरिका, ब्राजिल, भारत र रुसपछि पाँचौं स्थानमा आइपुगेको छ । स्वास्थ्य क्षेत्रसँग सम्बन्धित विशेषज्ञहरुले दक्षिण अफ्रिकामा आधिकारिक तथ्यांकभन्दा धेरै गुणा बढी मानिसको मृत्यु कोरोना भाइरसको कारण भएको बताउँदै आएका छन् ।

समग्र अफ्रिका महादेशमा भएका कोरोना संक्रमितमध्ये आधाभन्दा धेरै दक्षिण अफ्रिकामा छन् । स्वास्थ्य अधिकारीहरुका अनुसार अहिले दक्षिण अफ्रिकामा संक्रमण निकै तीव्र गतिमा फैलिइरहेको छ । यससँगै दक्षिण अफ्रिकाको स्थानीय अस्पतालको अवस्था कमजोर बनेको छ । अझै एक महिनासम्म निरन्तर दक्षिण अफ्रिकामा कोरोना भाइरसको संक्रमण फैलिइरहने विशेषज्ञहरुले बताएका छन् ।

कोरोना भाइरस नियन्त्रणको लागि दक्षिण अफ्रिकाले अप्रिल र मे महिनामा कडा लकडाउनको घोषणा गरेको थियो । त्यसपछि चरणबद्धरुपमा अर्थतन्त्र खुला गरिएको थियो ।

स्रोत : बीबीसी





Source link

Related Posts

धरानमा कोरोना संक्रमित महिलाको मृत्यु

९ कात्तिक, काठमाडौं । धरानमा कोरोना संक्रमणबाट एक महिलाको मृत्यु भएको छ । वीपी कोइरालाRead More

‘नेपालको प्रधानमन्त्रीलाई भारतले आफ्नो खुफिया एजेन्सीको प्रमुखको तहमा झारेको हो ?’ – Online Khabar

९ कात्तिक, काठमाडौं । साझा पार्टीका संयोजक रवीन्द्र मिश्रले भारतले नेपालका प्रधानमन्त्रीलाई आफ्नो खुफिया एजेन्सीकोRead More

प्रहरी प्रधान कार्यालयमा गरियो मौलो पूजा – Online Khabar

९ कात्तिक, काठमाडौं । प्रहरी प्रधान कार्यालय नक्शालमा आज नौलो पूजा गरिएको छ । प्रहरीRead More

Leave a Reply

Your email address will not be published. Required fields are marked *

>