2021-03-02Tuesday ट्विटरले सुरु गर्‍यो ‘भ्वाइस ट्विट’ फिचर, अब बोलेरै ट्विट गर्न सकिने – Online Khabar – Hamro Nepal

ट्विटरले सुरु गर्‍यो ‘भ्वाइस ट्विट’ फिचर, अब बोलेरै ट्विट गर्न सकिने – Online Khabar


माइक्रो ब्लगिङ साइट ट्विटरसँग प्रायः प्रयोगकर्ताहरुको गुनासो नै यो हुन्छ कि उक्त प्लाटर्फममा आफ्ना विचार तथा भावनाहरु व्यक्त गर्नका लागि केही सीमाहरु छन् ।

त्यसमध्ये सबैभन्दा ठूलो अड्नच अक्षरहरुको सीमा हो । कहिलेकाहीँ २८० अक्षरको सीमाले निकै समस्या पार्दछन् र आफ्ना कुराहरु टुक्राटुक्रामा ट्विट गर्नुपर्ने बाध्यता हुन्छ । अक्षरको सीमाकै कारण आफूले व्यक्त गर्न चाहेको कुरा सही शब्दमा बयान गर्न नपाएको गुनासो पनि प्रयोगकर्ताको रहने गर्दछ ।

तर ट्विटर प्रयोगकर्ताहरुले यस्तो खालको गुनासो गर्नु नपर्ने अवस्थाको सिर्जना हुँदैछ । किनकि प्रयोगकर्ताका यी सबै गुनासोहरुलाई मध्यनजर गर्दै ट्विटरले एक नयाँ फिचर लञ्च गरेको छ ।

हाल परीक्षणको रुपमा जारी गरिएको यस नयाँ फिचरको प्रयोग गरी प्रयोगकर्ताले कुनै अक्षर टाइप नगरी आफ्नो सन्देश ट्विट गर्न सक्नेछन् । अर्थात् ट्विटरले जारी गरेको भ्वाइस फिचरसँगै अब ट्विटर प्रयोगकर्ताले आफ्नो आवाज रेकर्ड गरेर ट्विट गर्न सक्नेछन् ।

यो सँगै ट्विटर प्रयोगकर्ताहरुलाई अक्षरहरु टाइप गर्ने तथा अक्षरको सीमाभित्र बाँधिने झण्झट हट्नेछ र प्रयोगकर्ताहरुले आफ्ना मनका विचार तथा भावनाहरुलाई आवाजमै ट्विट गर्न पाउनेछन् ।

के छ विशेषता ?

भ्वाइस ट्विटका लागि प्रयोगकर्ताले अधिकतम १४० सेकेण्डसम्मको अडियो रेकर्ड गरेर ट्विट गर्न सक्नेछन् ।

यदि १४० सेकेण्डमा पनि मनको कुरा सकिएन भने थ्रेडका रुपमा अर्को नयाँ भ्वाइस ट्विट आफैं बन्नेछ ।

आफ्नो ट्विट गर्नुपर्ने आवाजको रेकर्डिङ सकिएसँगै रेकर्ड अन्त्य गर्ने बटन ट्याप गर्नुपर्दछ र त्यसपछि कम्पोजर स्कृनमा गई त्यसलाई ट्विट गर्न सकिन्छ । उक्त भ्वाइस ट्विट पनि अन्य शाब्दिकट्विट जस्तै प्रयोगकर्ताको टाइमलाइन देखिनेछ ।

ट्विटरका अनुसार अहिले यो फिचर परीक्षणका रुपमा लञ्च गरिएको हो र केवल केही एप्पल प्रयोगकर्ताहरुका लागि मात्र उपलब्ध छ । तथापि आगामी केही हप्तामै ट्विटरको यो फिचर सबै आइओएस प्रयोगकर्ताले प्रयोग गर्न पाउने ट्विटरले जनाएको छ ।

एन्ड्रोइड फोनमा भ्वाइस ट्विट सुविधा कहिलेदेखि सुरु हुन्छ भन्ने बारेमा चाहिँ ट्विटरले कुनै जानकारी दिएको छैन ।

बीबीसी





Source link

Related Posts

धरानमा कोरोना संक्रमित महिलाको मृत्यु

९ कात्तिक, काठमाडौं । धरानमा कोरोना संक्रमणबाट एक महिलाको मृत्यु भएको छ । वीपी कोइरालाRead More

‘नेपालको प्रधानमन्त्रीलाई भारतले आफ्नो खुफिया एजेन्सीको प्रमुखको तहमा झारेको हो ?’ – Online Khabar

९ कात्तिक, काठमाडौं । साझा पार्टीका संयोजक रवीन्द्र मिश्रले भारतले नेपालका प्रधानमन्त्रीलाई आफ्नो खुफिया एजेन्सीकोRead More

प्रहरी प्रधान कार्यालयमा गरियो मौलो पूजा – Online Khabar

९ कात्तिक, काठमाडौं । प्रहरी प्रधान कार्यालय नक्शालमा आज नौलो पूजा गरिएको छ । प्रहरीRead More

Leave a Reply

Your email address will not be published. Required fields are marked *

>