2021-03-01Monday वीपीमा भर्ना भए रातभर गाडीमा बसेका २७ सं‌क्रमित  – Online Khabar – Hamro Nepal

वीपीमा भर्ना भए रातभर गाडीमा बसेका २७ सं‌क्रमित  – Online Khabar


१७ जेठ, विराटनगर । वीपी कोइराला स्वास्थ्य विज्ञान प्रतिष्ठान परिसरमा अपलत्र परेका २७ कोरोना संक्रमित अस्पतालको आइसोलेसनमा वार्डमा भर्ना भएका छन् ।

शुक्रबार राति झापाको कचनकवलबाट वीपी कोइराला स्वास्थ्य विज्ञान प्रतिष्ठान धरान पठाइएका २७ जना कोरोना संक्रमित रातभर गाडीमा बसेका थिए । शनिबार बिहान उनीहरु भर्ना भएका हुन् ।

रातभर संक्रमितलाई बाहिरै राखेपछि प्रदेश १ का सामाजिक विकास मन्त्री जीवन घिमिरे शनिबार बिहानै धरान पुगेका थिए । मन्त्री पुगेको केही समयपछि बिरामीलाई भर्ना गरिएको हो ।

प्रतिष्ठानका प्रवक्ता डाक्टर निदेश सापकोटाले २७ जनालाई नै भर्ना गरिएको जानकारी दिए । नयाँ भर्ना भएसँगै धरानको आइसोलेशनमा रहेका संक्रमितको संख्या ९७ पुगेको उनले बताए । सबैको अवस्था सामान्य छ ।

संक्रमितद्वारा खुला ठाउँमा शाैच

संक्रमण पुष्टि भएपछि शुक्रबार बसमा पठाइएका संक्रमितले रात गाडीमा कटाएका थिए । उनीहरुले शाैच भने खुला ठाउँमा गरे । गाडी राखिएको स्थानमा शौचालय थिएन । शौचालय नभएपछि उनीहरुले खुला ठाउँमा दिसा पिसाब गरेका हुन् ।

अस्पताल प्रशासनले लापरबाही गरेका कारण संक्रमितहरू बाहिरै बस्नु परेको मन्त्री घिमिरेले बताए । बिहीबार भएको छलफलमा उपकुलपति डाक्टर ज्ञानेन्द्र गिरीले २०० बेड तयार रहेको बताएपछि संक्रमित पठाएको बताउँदै उनले रातभर बाहिर राख्ने लापरबाहीको पराकाष्ठा भएको बताए ।





Source link

Related Posts

धरानमा कोरोना संक्रमित महिलाको मृत्यु

९ कात्तिक, काठमाडौं । धरानमा कोरोना संक्रमणबाट एक महिलाको मृत्यु भएको छ । वीपी कोइरालाRead More

‘नेपालको प्रधानमन्त्रीलाई भारतले आफ्नो खुफिया एजेन्सीको प्रमुखको तहमा झारेको हो ?’ – Online Khabar

९ कात्तिक, काठमाडौं । साझा पार्टीका संयोजक रवीन्द्र मिश्रले भारतले नेपालका प्रधानमन्त्रीलाई आफ्नो खुफिया एजेन्सीकोRead More

प्रहरी प्रधान कार्यालयमा गरियो मौलो पूजा – Online Khabar

९ कात्तिक, काठमाडौं । प्रहरी प्रधान कार्यालय नक्शालमा आज नौलो पूजा गरिएको छ । प्रहरीRead More

Leave a Reply

Your email address will not be published. Required fields are marked *

>