2021-02-26Friday पाकिस्तानमा कोरोना संक्रमितको संख्या ६७ हजार नाघ्यो – Online Khabar – Hamro Nepal

पाकिस्तानमा कोरोना संक्रमितको संख्या ६७ हजार नाघ्यो – Online Khabar


१७ जेठ, काठमाडौं । पाकिस्तानमा कोरोना भाइरस (कोभिड–१९) बाट संक्रमित हुनेको संख्या ६७ हजार नाघेको छ । अहिलेसम्म पाकिस्तानमा कोरोना भाइरसको कारण ६७ हजार ६५१ जनामा कोरोना भाइरसको संक्रमण देखिएको छ । पाकिस्तानमा कोरोना भाइरसको कारण एक हजार ४३३ जनाको मृत्यु भएको छ ।

पाकिस्तानको पञ्जाब प्रान्तमा कोरोना भाइरसबाट संक्रमित हुनेको संख्या २४ हजार १०४ पुगेको छ । पञ्जाब प्राइमरी एण्ड सेकेण्डरी हेल्थकेयरका अनुसार पछिल्लो २४ घण्टामा कोरोना भाइरसको कारण २९ जनाको मृत्यु भएको छ । यससँगै पञ्जाब प्रान्तमा कोरोना भाइरसबाट मृत्यु हुनेको संख्या ४२९ पुगेको छ । पञ्जाब प्रान्तमा अहिलेसम्म दुई लाख २८ हजार ५४१ जना मानिसमा कोरोना भाइरसको परीक्षण गरिएको छ । साथै अहिलेसम्म यो प्रान्तमा ६ हजार ५०७ जना मानिस कोरोना भाइरसबाट निको भएर घर फर्किसकेका छन् ।

कराँचीको एनआईडी युनिभर्सिटीको इन्जिनियरिङ्ग विभागले भेन्टिलेटरको नयाँ मोडल तयार पारेको छ । शुरुवाती परीक्षणपछि यो मोडलको क्लिनिकल परीक्षण सुरु भएको छ ।

यसैबीच पञ्जाबका स्वास्थ्यमन्त्री डाक्टर यासमीन राशिदले मानिसहरुलाई कोरोना भाइरस यहाँ छ र अब हामीले यो भाइरससँग नै बाँच्न सिक्नुपर्छ भन्ने कुरा बुझ्नु जरुरी रहेको बताएका छन् ।

पाकिस्तानको सिन्ध प्रान्तमा एकदिनमा एक हजार २४७ नयाँ संक्रमित फेला परेका छन् । जबकी यो अवधिमा ३८ जनाको मृत्यु भएको छ । सिन्धमा अहलेसम्म एक लाख ७६ हजार ७०३ जना मानिसमा कोरोना भाइरसको परीक्षण गरिएको छ । त्यस्तै खैबर पख्तुनख्वामा नौ हजार र ब्लुचस्तिानमा चार हजारभन्दा धेरै संक्रमित फेला परिसकेका छन् ।

स्रोत : बीबीसी





Source link

Related Posts

धरानमा कोरोना संक्रमित महिलाको मृत्यु

९ कात्तिक, काठमाडौं । धरानमा कोरोना संक्रमणबाट एक महिलाको मृत्यु भएको छ । वीपी कोइरालाRead More

‘नेपालको प्रधानमन्त्रीलाई भारतले आफ्नो खुफिया एजेन्सीको प्रमुखको तहमा झारेको हो ?’ – Online Khabar

९ कात्तिक, काठमाडौं । साझा पार्टीका संयोजक रवीन्द्र मिश्रले भारतले नेपालका प्रधानमन्त्रीलाई आफ्नो खुफिया एजेन्सीकोRead More

प्रहरी प्रधान कार्यालयमा गरियो मौलो पूजा – Online Khabar

९ कात्तिक, काठमाडौं । प्रहरी प्रधान कार्यालय नक्शालमा आज नौलो पूजा गरिएको छ । प्रहरीRead More

Leave a Reply

Your email address will not be published. Required fields are marked *

>